ОДО МАРАН

Одо маран видеоарт

Этнофутуризмъя «Чылкыт ву» 3 Калыккуспо симпозиум. Гурезь Пудга гурт, Вавож ёрос; Этнофутуризмъя «Кемикамхемхэ» 5 Калыккуспо симпозиум, Дулесово гурт, Сарапул ёрос, Ижкар, Удмуртия, 2010-2012 ар

Библиын ыжпи – христианъёслэн куриськонъёсазы ненег но юн чиданлыкез возьматӥсь вӧлмем образ луэ. Со лякытлыклы, зӥбытлыклы, адямилэн адӟонэзлы сётӥськон мылкыдлы тодмет луэ. Видеоартын ыж уллё возьматэ на глобализаци  шуонлэн  шуш позыръяськись тулкымъёсыныз асэстонэ, бырон калэ нуись ляб куараё но зӥбытлыко удмурт калыкез. Дунне цивилизаци пичи калыкъёсты курбон сётэ валантэм вуоно улонлы. Озьы ке но калык уг йыркуръяськы, вож потыса уг пумитъяськы. Зӥбыт но лякыт кылзӥськыса мынэ Инмарен сётэм но возьматэм Адӟонэзлэн сюресэз вылтӥ.